Дани Карвахаль Реал Мадрид билан хайрлашмоқда
Реал Мадрид ўзининг энг совриндор афсоналаридан бири Дани Карвахаль билан хайрлашишга тайёргарлик кўрмоқда. 13 йиллик тарихий фаолиятидан сўнг, 34 ёшли ҳимоячи ёзги трансфер ойнасида клубни тарк этиши кутилмоқда. Бу ҳақда Goal.com хабар беради.
Тҳе Атҳлетик хабарига кўра, жамоа сардори ўзининг Мадрид клубидаги даври якунига етганини англаб етган. Сўнгги мавсумларда жароҳатлар туфайли ўйин амалиёти камайган футболчи янги чақириқларни қабул қилишга қарор қилди.
Клуб раҳбарияти ва мураббийлар штаби ўнг қанот ҳимоясини кучайтириш мақсадида Трент Алехандер-Арнолд номзодига асосий эътиборни қаратмоқда. Дани Карвахаль эса захира ўйинчиси бўлиб қолишни истамай, фаолиятини бошқа жамоада давом эттиришни афзал кўрмоқда.
Дани Карвахаль 2013-йилдан буён "қироллик клуби" сафида 449 та ўйинда майдонга тушиб, 6 та Чемпионлар лигаси ва 4 та Ла Лига чемпионлигини қўлга киритди. Унинг Мадрид сафидаги ҳиссаси ва эришган ютуқлари клуб тарихида олтин ҳарфлар билан муҳрланиб қолади.
