Бразилиялик мухлислар терма жамоадан Чилига ютқазиб беришни талаб қилмоқда

Бразилия терма жамоаси мухлислари футболчилардан ЖЧ-2018 саралашининг сўнгги турида Чилига ютқазиб беришни талаб қилмоқда.

\"Пентакампеонлар\" фанатлари бу ҳақда ижтимоий тармоқларда махсус акцияни ишга туширган.
Бу билан бразилияликлар Аргентина терма жамоасини ЖЧ-2018 йўлланмасидан қуруқ қолишини истамоқда.

Эслатиб ўтамиз, Аргентина терма жамоаси ЖЧ-2018 саралаш гуруҳида 6-ўринни эгаллаб турибди. Бу эса жаҳон чемпионати йўлланмасини бермайди.

Бразилия - Чили ва Эквадор - Аргентина ўйини 10 октябрь куни тунда ўтказилади.

Манба: stadion.uz