Максим Шацких: Мана икки йилдирки маош олганим йўқ

\"Динамо\" ва \"Говерла\" клублари собиқ ҳужумчиси Максим Шацких икки йилдан буён маош олмай ўйнаётганини айтиб ўтди, деб ёзмоқда Uff.uz сайти.

\"Мана икки йилдирки маош олганим йўқ. Ҳали \"Арсенал\"да ўйнаб юрган вақтларимдаёқ бу бошланган эди. \"Говерла\" эса мендан анча қарздор.

Ҳуқуқшуносларимиз клублар билан музокара олиб бормоқда. Кўрамиз, бундан қандай натижа чиқар экан. Ўйлайманки, маош тўламаганлик учун нима бўлишини клублар биладилар\", - дейди Шацких.