Роналду Ла лигада 300та голни Мессидан тезроқ урди

«Реал» ҳужумчиси Криштиану Роналду кеча Испания чемпионатида ўзининг 300-голини урди.

Португалиялик футболчи «Алавес»га қарши баҳсда (4:0) дублга эришди. Иккинчи гол юбилей бўлди.

Ҳужумчи Ла лигада «Реал» сафида 285та ўйин ўтказди. Роналду 300та голни «Барселона» ҳужумчиси Лионель Мессидан тезроқ урди.

Аргентиналик футболчи ўзининг 300-голини 326-учрашувида урган эди.

Роналду 300та тўп киритиш учун Мессидан кўра 41та ўйин камроқ ўйнади. Португалиялик Ла лигада ҳар ўйинда ўртача 1,05тадан гол урмоқда.

Манба: championat.asia