Пеле: «Мбаппе шундай ўйнашда давом этса, мен яна майдонга қайтишим мумкин»

Футбол қироли Пеле ЖЧ-2018нинг энг яхши ёш ўйинчиси деб топилган Килиан Мбаппенинг сермаҳсул ўйинига муносабат билдирди.

«Агар Килиан мен ўрнатган рекордларни янгилашда давом этса, бутсаларимнинг чангини артишимга тўғри келиб қолишим мумкин», – деб ёзди Пеле ўзининг Twitter саҳифасида.

Эслатиб ўтамиз, 19 ёшли франциялик футболчи жаҳон чемпионатлари финалида гол урган Пеледан кейинги иккинчи энг ёш футболчи бўлди.

Манба: tribuna.uz