Сардор Рашидов Португалиянинг «Насьонал» клубига ўтди

«Локомотив» клуби яримҳимоячиси Сардор Рашидов фаолиятини Европада давом эттиради.
«Темирйўлчилар» матбуот хизмати хабарига кўра, 27 ёшли футболчи Португалиянинг «Насьонал» клуби билан шартнома имзолади.

Маълумот ўрнида, Сардор Рашидов фаолиятида «Бунёдкор», Қатарнинг «Ал-Жайиш», БААнинг «Ал-Жазира» клубларида ҳам ўйнаган. Ўзбекистон терма жамоаси сафида 46 та ўйинда майдонга тушиб, 12 та гол урган.

Мадейра оролининг «Насьонал» клуби Португалия чемпионатининг 17 туридан сўнг, 19 очко билан 18 та жамоа ичида 12-ўринни эгаллаб турибди.