Олимпиада чемпиони Шаҳобиддин Зоиров профессионал боксга ўтди

^{Фото: Миллий олимпия қўмитаси матбуот хизмати}
Рио Олимпиадаси чемпиони, Осиё ўйинлари совриндори Шаҳобиддин Зоиров фаолиятини профессионал боксда давом эттиради. Бу ҳақида боксчи МОҚ Матбуот ва медиа департаменти вакилларига маълум қилган.

Шаҳобиддин «MTK Global» промоутерлик компанияси билан келишувга эришган. У бир неча кундан сўнг Британияга йўл олади. Айнан ўша ерда боксчининг профрингдаги дастлабки жанги қачон ва кимга қарши ўтказилиши маълум бўлади.