Расман: Павел Мамаев "Ростов" футболчисига айланди

«Ростов» яқинда колонияни тарк этган ярим ҳимоячи Павел Мамаевни таркибга қўшиб олди.
Келишув 2 йилга мўлжалланган бўлиб, барчаси ижобий кечадиган бўлса шартнома яна узайтирилади.

Мамаев ростовликлар таркибида 10 рақам остида ҳаракат қилади. Унинг сўнгги клуби эса «Краснодар» бўлганди. У краснодарликлар таркибида 146 баҳсда қатнашиб, 35 та гол уришга эришган. Шунингдек, 31 ёшли хавбек ЦСКА билан Россия чемпионлиги ҳамда Кубок, Суперкубок ғолиблигини қўлга киритди.