Одил Аҳмедов ва "Шанхай СИПГ" бронза медалини қўлга киритди

Ҳамюртимиз Одил Аҳмедов ўйнаётган \"Шанхай СИПГ\" охирги турни ўз майдонида \"Шенжен Руби\" клубини қабул қилиб 6:0 ҳисобида ғалабага эришди. Витор Перейра бошчилигидаги шанхайликлар мавсумни учинчи ўринда якунлашди ва ОЧЛ-2020 плей-офф босқичига йўлланма олишди.

Шу тариқа 2017 йил \"Шанхай СИПГ\" сафида Хитой Суперлигасида кумуш медалини қўлга киритган, ўтган мавсум бу клуб билан бирга чемпион бўлган Одил Аҳмедов бу йил бронза медалига эга чиқди.