Конкабаев Баҳодир Жалоловнинг сўнгги йилларда қай даражада ўзгаргани ҳақида гапирди

Қозоғистонлик боксчи Камшибек Конкабаев ўз интервьюларидан бирида Баҳодир Жалоловнинг яхшигина кучайгани ҳақида гапирди.

- Баҳодир Жалолов 2015 - 2021 йилларда қай даражада ўзгарди? Орадан олти йил ўтди. У фаолиятингиздаги энг асосий рақиблардан бири.
- Ўйлайманки, у Америкага борганидан сўнг кучая бошлади. У нисбатан олдин у ерда шуғуллана бошлади. У ерда боксга умуман бошқача кўз билан қарашади. Жисмоний томонлама ҳам ишлади. Рақиблар ҳам яхши эди. Ортис у билан спарринг ўтказди. Бу нарса боксчига тажриба, ишонч беради. Шу сабабли ҳам у кучайди. Биз эса бироз кеч қолмоқдамиз. Ўйлайманки, биз аллақачон профессионал ва ҳаваскор боксни бирлаштириб юборишимиз керак эди\", - деди Конкабаев Sports True каналига берган интервьюсида.