Месси зўрми ёки Мбаппе? ПСЖ устози бу саволга жавоб берди

ПСЖ клуби бош мураббийи Маурисио Почеттино жамоа ҳужумчилари Лионель Месси ва Килиан Мбаппе ҳақида ўз фикрларини билдириб ўтди.

\"Менимча, Месси - дунёнинг энг яхши футболчиси. У етти марта \"Олтин тўп\"ни қўлга киритди. Унинг ортидан Мбаппе каби ўйинчилар келяпти. Килиан энг яхши бўлишга даъвогарлик қилмоқда. У дунёнинг энг яхшиларидан бири\", - деди аргентиналик мутахассис.

Маълумот учун, 34 ёшли Месси жорий мавсум ПСЖ сафида 24 та ўйинда майдонга тушди ва 7 та гол урди. 23 ёшли Мбаппе эса 35 та ўйинда 24 та гол урди.