iPhone билдиришномалар матнини хотирасида сақлаб қолади
404 Медиа хабарига кўра, ФҚБ (FBI) айбланувчининг iPhone қурилмасидан Сигнал иловаси ўчириб ташланганидан ва хабарларнинг ўзи илова ичида ўчирилишга созланганидан кейин ҳам, келган хабарларни тиклашга муваффақ бўлган. ФҚБ махсус агентининг гувоҳлик беришича, хабарлар Сигналъдан эмас, балки телефоннинг ўзидаги билдиришномалар (notifications) сақлаш хотирасидан олинган.
Фақат келган хабарлар тикланган, юборилганлари эса йўқ. Ушбу тафсилотнинг ўзи маълумотлар қаердан келганини аниқ кўрсатиб турибди: улар ҳар бир хабар келганда экран қулфида пайдо бўлган \"превю\" (олдиндан кўриш) матнларидан олинган.
Сигнал хабари \"матнни кўрсатиш\" функцияси ёқилган iPhone\'га келганда, бу билдиришномани операцион тизим бошқаради. Уни операцион тизим экранга чиқаради ва бу билдиришнома мазмуни билан кейинчалик нима қилишни Сигнал эмас, балки операцион тизимнинг ўзи ҳал қилади. Сигналънинг ғойиб бўлувчи хабарлар, шифрлаш ва ўчириш ҳақидаги ваъдалари фақат Сигнал назорат қиладиган маълумотларга тегишли. Улар операцион тизим ўз мақсадлари учун аллақачон нусха олиб бўлган маълумотларга таъсир қила олмайди.
Бу фақат Сигналъга хос муаммо эмас. Худди шу ҳолат барча хавфсиз мессенжерларда кузатилади. \"End-to-end\" шифрлаш хабарларни йўлда (транзитда) ҳимоя қилади, аммо хабар қабул қилувчининг қурилмасига етиб келган заҳоти, уни ўқиш учун шифрдан чиқариш керак. Шу пайтдан бошлаб у шунчаки телефонда турган маълумотга айланади.
