Galaxy Note 8 билан бирга илғор трекер ҳам тақдим қилинади

Эван Бласс, IT-оламида \"Evleaks\" номи билан танилган эксперт Gear Fit 2 Pro — Samsung\'нинг янги билак-гаджетига оид маълумотларни эълон қилди.

\"Ақлли браслет\"нинг 23 августда бўлиб ўтадиган Galaxy Note 8 тақдимоти мобайнида намойиш этилиши тахмин қилинмоқда. Гаджет олд панели қайрилма AMOLED-дисплейдан иборат.

Gear Fit 2 Pro сувдан ҳимояланганлик бўйича кучли босимга дош беради ва 5 ATM даражасини олган бўлиб, у билан бемалол 50 метргача чуқурликдаги сув тубига тушиш мумкин. Бу борада девайс аввалги моделларга қараганда анча илғор. Шунингдек, Gear Fit 2 Pro\'да сузиш билан шуғулланувчи професионалларга мўлжалланган Speedo On махсус иловаси ҳам мавжуд.

Электрон браслетга хос яна бир ўзига хос жиҳат — Spotify мусиқий хизматини оффлайн-режимда ҳам қўллаб-қувватлашидир. Gear Fit 2 Pro \"аждоди\" каби, GPS-модулга эга бўлган. Браслетни iOS ҳамда Android операцион тизимида ишлайдиган гаджетларга улаш мумкин, шунингдек спорт иловалари ишлаб чиқарувчи Under Armour компаниясининг рақамли хизматларига бир йиллик обуна бўлади.

Манба: Terabayt.uz