UzAuto Motors xaridorgir avtomobillar uchun shartnoma berishni 3 martdan qayta tiklaydi

O‘zbekistonda 3 martdan Spark, Nexia, Cobalt va Lacetti avtomobillarini xarid qilish uchun shartnoma berish jarayoni qayta tiklanadi. Bu haqda Asakadagi avtozavodga uyushtirilgan press-tur davomida UzAuto Motors mas’ullari tomonidan ma’lum qilindi.

Shu yilning fevral oyi boshida Spark, Nexia, Cobalt va Lacetti avtomobillarini xarid qilish uchun shartnomalar berish vaqtincha to‘xtatilgani ma’lum bo‘lgandi. Bu UzAuto Motors dilerlari shartnomalar va avtomobillarni yetkazib berish bo‘yicha yangi boshqaruv tizimiga o‘tayotgani bilan izohlangandi.