Urushning 85-kuni: «Jangchi» bolalar, uylarini tiklayotgan odamlar (foto)

Ukrainadagi urushning sakson beshinchi kuni o‘tdi. Rossiya Xarkov uchun jangda mag‘lub bo‘ldi — shahar tinch hayotga qaytmoqda: bomba boshpanasi vazifasini bajargan metro kelasi hafta shu vaqtgacha odatdagidek ish boshlashi kerak. Kiyev viloyatida aholi o‘z uylarini qayta qurishga kirishmoqda. Ukrainada yana ikki nafar rossiyalik harbiy ustidan sud boshlandi — ular Xarkov viloyatini artilleriyadan o‘qqa tutganlikda ayblanmoqda. Meduza 19 may kuni urush zonasidan olingan asosiy suratlarini jamladi.

Xarkov viloyati

<sup>Xarkov metrosida sabzavot to‘g‘rayotgan ayol.
Foto: AP Photo

Keyingi hafta metro odatdagidek ishga tushishi kerak. Shaharda portlashlar soni kamaygan bo‘lsa-da, aholi metrodan hamon bomba boshpanasi sifatida foydalanmoqda.
Foto: AP Photo

Saltovskiy tumanidagi metro bekatida yashayotgan odamlar.
Foto: AFP

Metroda itni erkalayotgan odam.
Foto: AP Photo

Xarkovlik erkak uzilib ketgan elektr simlari yonidan o‘tmoqda.
Foto: AP Photo

Xarkov yaqinidagi Olxovka qishlog‘ida joylashgan quyosh elektr stansiyasi o‘qqa tutishlar paytida vayron bo‘ldi.
Foto: AFP

Malaya Rogan qishlog‘ida vayron bo‘lgan uyini ko‘zdan kechirayotgan kishi. Uyning yonida ishdan chiqarilgan Rossiya harbiy texnikasi turibdi. Qishloq Ukraina askarlari tomonidan qaytarib olingan.
Foto: Reuters</sup>
Dnipropetrovsk viloyati

<sup>Ayol Velikaya Kostromka qishlog‘idagi uyida. Otishma paytida u uch farzandi bilan uyda qolgan.
Foto: AP Photo

Velikaya Kostromkadagi uyning polida bolalar chizgan rasmlar. Otishmada oilaga jabr yetmagan.
Foto: AP Photo

Rossiya bombardimonidan keyin Bolshaya Kostromka qishlog‘idagi uyning vayronalari.
Foto: AP Photo</sup>
Kiyev viloyati

<sup>Moshchun qishlog‘ida tomni ta’mirlayotgan erkaklar.
Foto: Reuters

Stoyanka qishlog‘ida hududiy mudofaa jangchilarining rolini o‘ynayotgan bolalar.
Foto: AFP

O‘q izlari qolgan turar joy binosi devori yonidan o‘sib chiqqan lola. Moshchun qishlog‘i.
Foto: Reuters</sup>