Ukraina osmonida Rossiya general-mayori boshqaruvidagi samolyot urib tushirildi

^{Foto: «24 Kanal»}
Ukraina osmonida Rossiya harbiy-havo kuchlarining iste’fodagi general-mayori Kanamat Botashev boshqaruvidagi samolyot urib tushirildi. Uchuvchi halok bo‘lgan.

BBC yozishicha, general-mayorning halokatini uning qo‘l ostidagi uch shaxs tasdiqlagan. Xavfsizlik nuqtai nazaridan, ularning shaxsi oshkor qilinmagan.

Botashev — Ukrainadagi harbiy harakatlar davomida halokatga uchragani ma’lum bo‘lgan eng yuqori unvonli uchuvchi. Iste’foga qadar u aviatsiya polkini boshqargan. Havo janglarida bu darajada yuqori unvonli zobitning qatnashishi, birinchidan, Moskva harbiy uchuvchilarga juda qattiq talab qo‘yayotganini, ikkinchidan, yuqori malakali mutaxassislar yetishmayotganini anglatadi, deb yozdi BBC.