Salkam bir million rossiyalik YEIga ko‘chib ketdi

^{Foto: Slovoidilo.ua}
Rossiya qo‘shini Ukrainaga kiritilgan 24 fevraldan buyon Yevropa ittifoqi hududiga salkam bir million rossiyalik ketgan. Bu haqda Germaniyaning DPA agentligi xabar berdi.

24 fevraldan 22 avgustga qadar YEI chegaralarini 998 085 nafar RF fuqarosi kesib o‘tdi, dedi Yevropa chegara va qirg‘oq qo‘riqlash agentligi — Frontex vakili DPAga intervyusida.

So‘nggi ma’lumotlarga ko‘ra, urush boshlanganidan buyon Ukrainaning 7,7 mln nafar fuqarosi YEIga qochib o‘tgan, shundan 4,7 mln nafari Ukrainaga qaytgan.