Maksim Galkin Rossiyada xorijiy agent deb e’lon qilindi

Rossiya Federatsiyasi Adliya vazirligi teleboshlovchi va parodist Maksim Galkinni jismoniy shaxslar – xorijiy agentlar reyestriga kiritdi, deya xabar bermoqda Interfax.ru.

Agentlik veb-saytidagi jismoniy shaxslar-xorijiy agentlar ro‘yxati juma kuni kechqurun yangilandi.

Vazirlik ma’lumotlariga ko‘ra, Galkin Ukrainadan moliyaviy yordam olib, siyosiy faoliyat bilan shug‘ullanadi.

Galkin hozirda chet elda yashaydi. U shu yilning mart oyida, Rossiyaning Ukrainadagi maxsus harbiy amaliyotiga qarshi chiqqanidan so‘ng Isroilga jo‘nab ketgan edi.