Rossiya prezidenti Vladimir Putinni hibsga olish bo‘yicha order berildi

Gaagada joylashgan Xalqaro jinoiy sudi (XJK) Rossiya prezidenti Vladimir Putin, shuningdek, bolalar huquqlari bo‘yicha ombudsman Mariya Lvova Belovoni hibsga olishga order berdi.

Aytilishicha, mazkur qaror sud saytida eʼlon qilingan. Ushbu order Rossiya qo‘shinlarining 2022 yil 24 fevral kuni Ukrainaga bostirib kirishi va uning oqibatida Ukrainadan bolalarning Rossiyaga noqonuniy deportatsiya qilinishi bilan bog‘liq.

Rossiya TIV vakili Mariya Zaxarovaning aytishicha, mazkur hukmning Rossiya uchun huquqiy tomondan hech qanday ahamiyati yo‘q.