Prigojinning samolyoti yana Belarusga qo‘ndi

^{Foto: Hajun_BY}

“Vagner” xususiy harbiy kampaniyasi rahbari Yevgeniy Prigojinning samolyoti yana Belarusga qo‘ndi. Bu haqda “Belaruski Gayun” monitoring guruhi xabar berdi.

Ma’lum qilinishicha, soat 11:05 da Yevgeniy Prigojinning Embraer Legacy 600 biznes-jeti (ro‘yxat raqami RA-02795) Machulishidagi harbiy aerodromga kelib qo‘ngan. Kuzatuvchilar samolyot Belarusga Sankt-Peterburgdan kelganini aytmoqda.

Ta’kidlanishicha, isyon bostirilganidan beri Prigojinning samolyoti Belarusga to‘rtinchi bor kelishi hisoblanadi. U oxirgi marta 27 iyun, 1 iyul va 11 iyul kunlari uchib kelgan, o‘shanda Prigojin Osipovichi yaqinidagi chodir lagerida tunab qolgan.