Afg‘onistonda kuchli zilzila oqibatida halok bo‘lganlar soni keskin ortmoqda

Kecha, 7 oktyabr kuni Afg‘oniston g‘arbida 6,2 magnitudali kuchli zilzila sodir bo‘ldi.

Ushbu zilzila 272 ming aholiga ega Hirot shahridan 40 kilometr uzoqlikda sodir bo‘lgan. Epitsentr 10 kilometr chuqurlikda joylashgan.

Qayd etilishicha, ko‘plab odamlar vayronalar ostida qolmoqda. Avvalgi maʼlumotlarga ko‘ra, qurbonlar soni 500 kishiga yetgani aytilgandi.

So‘nggi maʼlumotlarga ko‘ra, Afg‘oniston g‘arbida sodir bo‘lgan zilzila qurbonlari soni 2 ming kishiga yetgan, deya xabar bermoqda AFP “Tolibon” vakiliga tayanib.