Kyolnda Erdo‘g‘anni qo‘llab-quvvatlovchi namoyish o‘tdi

Germaniyaning Kyoln shahrida 20 mingga yaqin kishi Turkiya prezidenti Rajab Toyib Erdo‘g‘anni qo‘llab-quvvatlovchi namoyishda ishtirok etdi, deb xabar bermoqda “Kun” nashri.

Polisiya ma’lumotlariga ko‘ra, namoyishda turk prezidenti tarafdorlari, jumladan Evropa-Turkiya demokratlari ittifoqi ishtirok etgan.

Avvalroq Germaniyada Erdo‘g‘anning murojaatini namoyish qilish taqiqlangani ma’lum qilingandi. Turkiya vakillari tomonidan Germaniyadan bu holat bo‘yicha tushuntirish berilishini kutishlari aytilgan.