Bollivudning qaysi aktyori 10 ta tilda so‘zlasha oladi?

Hind kino sanoati vakillari orasida 9 tilda bemalol so‘zlasha oladigan mashhurlar borligini bilasizmi?

Shohrux Xon

^{Foto: Bollywoodtime}
Dunyoning turli burchaklarida minglab muxlislariga ega bo‘lgan Bollivud qiroli ona tilidan tashqari yana uchta: ingliz, urdu va kannada (dravid tili) tilida gaplasha oladi. Bundan tashqari u nemis tilini yaxshi tushunadi.

Amitabh Bachchan

^{Foto: Bollywoodtime}
Uttar-Pradesh shtatida dunyoga kelgan Bachchanning otasi hind shoiri bo‘lgan. Aktyor hind, ingliz, urdu va panjob tillarida gaplasha oladi. Bundan tashqari bengal tilini ham oz-moz biladi.

Taapsi Pannu

^{Foto: Bollywoodtime}
Taapsiga filmlarda turli tillarda gaplasha oladigan bir-biriga o‘xshamagan qahramonlarni gavdalantirish juda ham yoqadi. U hind, panjob, tamil, telugu va ingliz tilida bemalol gaplasha oladi.

Kangana Ranaut

^{Foto: Bollywoodtime}
Aktrisaning yoshligida ingliz tilida yaxshi gaplasha olmagani karerasiga salbiy ta’sir qilgan. Ammo Kangana o‘zini qo‘lga olib yaxshilab til o‘rganishga kirishgan. Bugungi kunda ingliz tilida bemalol so‘zlasha oladigan aktrisa fransuz va hind tilini ham yaxshi biladi.

Asin

^{Foto: Bollywoodtime}
Karerasini Hindistonning janubiy hududlarida boshlagan aktrisa faoliyatini keyinroq Bollivudda davom ettirgan. Asin yettita: tamil, telugu, malay, ingliz, italyan va fransuz tilida so‘zlasha oladi.

Dipika Padukone

^{Foto: Bollywoodtime}
Dipika Daniyada badminton bo‘yicha chempion Prakash Padukonening oilasida dunyoga kelgan. Nafaqat Bollivud, balki Gollivud filmlarida ham suratga tushgan aktrisa hind, ingliz va tulu tillarini yaxshi biladi. “Piku” filmida suratga tushish uchun bengal tilini o‘rganishiga ham to‘g‘ri kelgan.

Vaani Kapur

^{Foto: Bollywoodtime}
Vaani Kapur tamil, telugu, ingliz va hind tilidan tashqari fransuz tilida ham gapira oladi.

Ayshvariya Ray

^{Foto: Bollywoodtime}
Dunyo go‘zali Ayshvariya ona tili — tuludan tashqari yana sakkizta: hind, bengal, ingliz, tamil, maratxi, telugu, kannada va urdu tillarini yaxshi biladi. Shuningdek, ispan tilidan ham bir oz xabardor.

Vidya Balan

^{Foto: Bollywoodtime}
Aktrisalik mahorati va turli rollarni qoyilmaqom ijro qilishi bilan yaxshi ma’lum bo‘lgan Vidya oltita: tamil, hind, bengal, maratxi, malay va ingliz tilini biladi.

Manba: daryo.uz