Shakira Jerar Pike uchun faoliyatida to‘xtalish qilganini tan oldi

Kolumbiyalik qo‘shiqchi Shakira Ispaniya terma jamoasi sobiq himoyachisi Jerar Pike bilan munosabatlari paytida nimalarni qurbon qilganini aytdi.

\"Jerar bilan yashash va u futbol o‘ynay olishi uchun uzoq vaqt faoliyatimni keyinga qoldirib keldim. Sevgi uchun ko‘p narsalarni qurbon qilishga to‘g‘ri keldi\", — deydi Shakira.

Pike va Shakira 11 yillik birgalikdagi hayotdan so‘ng 2022 yilning yozida ajralishdi. Ajrashishning sababi sifatida futbolchining hiyonati qayd etildi. Juftlikning ikki farzandi bor: Milan va Sasha.

Pike o‘z faoliyatini 2022 yilning so‘nggida \"Barselona\"da yakunladi. 37 yoshli ispan shuningdek \"Manchester Yunayted\" va \"Saragosa\"da o‘ynagan.