Tojikistonda folbin va tabiblar qo‘lga olindi

^{Foto: “VKontakte”}
Tojikistonning Xatlon viloyatidagi politsiya xodimlari firibgarlik uchun besh nafar folbin va tabibni qo‘lga oldi. Bu haqda viloyat ichki ishlar boshqarmasi xabar berdi.

Tezkor-qidiruv tadbirlari davomida quyidagi fuqarolari qo‘lga olingan:
- Rahim Ibrohimov (taxallusi Domullo Abdurahim), 66 yosh;
- Nargis Gurbanova, 50 yosh;
- Idimox Nazarova, 59 yosh;
- Xoldan Qulchakova, 66 yosh;
- Nargis G‘oyibnazarova, 50 yosh.

Ularning barchasidan sehrga oid buyumlar musodara qilingan. Mazkur firibgarlar guruhi sehr-jodu yo‘li bilan davolanishni taklif qilib, ko‘plab fuqarolarning ishonchini qozongan. Bu esa xalqning mablag‘ yo‘qotishiga olib keladi va ularni zamonaviy tibbiyotga murojaat qilishdan chalg‘itadi, — deyiladi xabarda.

Mazkur shaxslarga nisbatan jodugarlik va folbinlik bilan shug‘ullanganliklari uchun Tojikiston Respublikasining ma’muriy huquqbuzarlik to‘g‘risidagi kodeksining 482-moddasiga asosan ma’muriy bayonnoma tuzilgan. Ular 3 million 306 ming so‘mdan 4 million so‘mgacha jarimaga tortilishi mumkin.

Shuningdek, ularning xatti-harakatlari qonunga muvofiq qabul qilinmasligi haqida ogohlantirilgan.