Xitoyda tuyalar uchun maxsus svetoforlar o‘rnatildi (foto, video)

Xitoyning Qumtog‘ cho‘lida tuyalar uchun svetoforlar o‘rnatildi. Bu haqdagi videolavha Xitoy markaziy televideniyesining (CCTV) YouTube kanalida e’lon qilindi.

^{Foto: “Pravila jizni”}
So‘nggi yillarda ushbu maskanga sayyohlar oqimining ko‘payib borishi natijasida tirbandliklar yuzaga keldi. Buning oldini olish maqsadida mahalliy hokimiyat organlari tuya mingan yo‘lovchilar uchun yo‘llarga alohida svetoforlar qo‘ydi.

^{Foto: “Pravila jizni”}
Svetoforlar Mingsha tepaliklari yaqinidagi Kressent ko‘lida joylashgan. May oyining boshida bu yerga o‘ng mingdan ortiq sayyoh tuya minish uchun tashrif buyuradi. Qayd etilishicha, o‘tgan yili 2,4 mingga yaqin jonivorlar sayohatga chiqqan, cho‘lga tashrif buyurganlar soni esa 20 mingga yetgan. Mehmonlarning aksariyati tabiatni piyoda kezishdan ko‘ra tuya mingan holda sayr qilishni afzal ko‘radi.

^{Foto: CCTV}
Svetoforlar hayvonlarning piyodalarga yo‘l berishlari kerakligini anglatadi. Yashil chiroq tuyaning o‘tishi mumkinligini, qizil chiroq to‘xtash lozimligini bildiradi.