Kim Chen In uchuvchisiz qurilmalar sinovlariga shaxsan rahbarlik qildi

^{Foto: Koreya markaziy telegraf agentligi}
Kim Chen In uchuvchisiz qurilmalar sinovlariga shaxsan rahbarlik qildi. Koreya markaziy telegraf agentligi xabar berishicha, sinovlar KXDR milliy mudofaa akademiyasi tomonidan o‘tkazilgan.

Shimoliy Koreya yetakchisi dushmanga quruqlik va dengizda hujum qilishga mo‘ljallangan turli toifadagi dronlarni faol ishlab chiqish va ko‘paytirishni buyurgan.

Xabarga ko‘ra, dronlar tegishli nishonlarni topib, yo‘q qilishga muvaffaq bo‘lgan. Kim Chen In harbiy tayyorgarlikda uchuvchisiz texnologiyalarni rivojlantirish muhimligini ta’kidlagan.