Dunyoga mashhur yulduzlarning gʻayrioddiy uylari (foto)

Mashhurlar barchani lol qoldirishni juda yaxshi bilishadi. Ular nafaqat sahnada yoki kamera ortida, balki uy qurishda ham ijodiy yondashadi. Quyida jahonga tanilgan yulduzlarning eng noodatiy shakldagi uylarini birgalikda tomosha qilamiz.

Beyonse va Jay-Z

^{Foto: Essence}
Xonanda Beyonse va Jay-Zga tegishli mazkur uy tashqi tomondan ajralib turmaydi, ammo ushbu koʻchmas mulkni gʻayrioddiy deb atash mumkin. Chunki bu uy Kaliforniyada eng qimmat xonadon sanaladi. Yulduzlar oilasi uni 2023 yilning may oyida 200 million dollarga sotib olishgan.

^{Foto: Dzen}
Kengligi 30 ming kvadrat metr boʻlgan shohona uy Tinch okeani sohilida, mashhur Billionare's Row hududida joylashgan. Bino yapon arxitektori Tadao Ando tomonidan loyihalashtirilgan boʻlib, uning qurilishi 15 yil davom etgan.

<sup>Foto: Daily Mail

Foto: Daily Mail</sup>
Margo Robbi

^{Foto: The Mary Sue}
Qoʻgʻirchoqlar uchun atalgan maxsus uy koʻplab qizlarning bolalikdagi orzusi boʻlgan. Barbining pushti rang va plastikdan yasalgan uyi real hayotda ham mavjud.

<sup>Foto: Elite

Foto: Elite</sup>
Ushbu binodan mashhur “Barbi” filmini suratga olish uchun foydalangan. Uning ichidagi barcha predmetlar, hatto hovuzdagi suv ham plastikdan tayyorlangan. Quyidagi videoda filda bosh rolni oʻynagan aktrisa Margo Robbi oʻz qahramonining uyiga boʻylab sayohat uyushtirgan:

“Barbilendda na suv, na olov bor. Bu uydagi hech narsa haqiqiy emas. Barbi xonadonidagi barcha narsa soxta boʻlishiga qaramay, uy haqiqatan ham goʻzaldir”, deydi Margo Robbi.

^{Foto: Dzen}
Peris Hilton

Aktrisa uyida oʻndan ortiq kichik oʻlchamdagi zotdor itlarni saqlaydi. Peris itlarni shunchalik yaxshi koʻradiki, hatto ular uchun alohida qasr shaklidagi uy ham qurib bergan. Itlar yashaydigan uy uchun yulduz 325 ming dollar sarflagan. Bunday mini-saroyni qurishdan asosiy maqsad hayvonlarning xavfsizligi edi.

<sup>Foto: Pets world

Foto: Pets world</sup>
Avvalroq bir guruh oʻgʻrilar uning chihuahua zotli itini olib ketishgan. Hilton esa ularga katta pul toʻlab kuchukni qaytarib olishga majbur boʻlgan.

“Itlar uchun moʻljallangan uyni qurishda menga oʻz uyimning dizayni bilan shugʻullangan mutaxassis yordam berdi”, deydi yulduz.
Per Karden

^{Foto: Dzen}
Frantsiyalik moda dizayneri oʻzidan keyin noyob arxitektura namunasini qoldirdi. Futurizm va avangard namunasi boʻlgan qabariq uy 1991 yilda modeler Per Kardenning mulkiga aylandi. U vengriyalik arxitektor Antti Lovaga tomonidan ishlab chiqilgan. Turar joy Kann yaqinida, Oʻrta Er dengizi sohilidagi qoyada joylashgan.

<sup>Foto: Palais bulles

Foto: Palais bulles

Foto: Palais bulles</sup>

Arxitektor gʻoyasiga koʻra, uy ibtidoiy odamlarning gʻorlariga oʻxshatib qurilgan. Uy qoplamasi purkaladigan betondan qilingan va pogʻonali tomlardan pastga — hovuzga tushiladi.

Binoning tom qismida amfiteatr bor, uyning oʻzi esa 10 ta yotoqxonadan iborat. Bino 1200 kvadrat metr maydonni egallaydi va uning atrofidagi maydon 8500 kvadrat metrni tashkil qiladi.

^{Foto: Palais bulles}
Naomi Kempbell

^{Foto: Dzen}
Turkiyaning Sedir orolida supermodelning Villa Ojo de Horus nomli noyob dizayndagi eko-uyi bor, uy yarim shar shaklida qurilgan boʻlib, uning konturlari yuqoridan qaraganda Misr xudosi Horus koʻzining chizilgan rasmini takrorlaydi. Afsonaga koʻra, mazkur ramz Er yuzidagi va keyingi hayotdagi ofatlardan himoya qiladi.

^{Foto: Dzen}
Uyning ichki qismi ekologik jihatdan qulay va avtonomdir: atroda koʻplab yashil oʻsimliklar va daraxtlarni koʻrish mumkin.

^{Foto: Dzen}
Jon Travolta

^{Foto: Dzen}
Jon Travoltaning mazkur koʻchmas mulki “aeroport uy” sifatida ham tanilgan. Samolyotlarni kollektsiya qilish aktyorga aeroport hududidan er sotib olishga va u erda turar joy majmuasi qurishga turtki boʻlgan. Kimdir hovlida mashinasi bilan kirib kelsa, Jon samolyotda uchib keladi. U amerikancha uy va aeroport terminali birlashtirilgan loyihani shaxsan oʻzi ishlab chiqqan.

^{Foto: Claim Out}
Uyda boshqaruv markazi, ekipaj uchun kabina va uyning kirish qismida samolyotlar turadigan maydon ham mavjud. Uyning yonida ikkita uchish-qoʻnish yoʻlaklari bor. Hududning avvalgi egasi Jumbolair Aviation Estates boʻlgan.