Rossiyada sumka ichidan o‘zbekistonlik ayol jasadi topildi

^{Foto: 78.ru}
Rossiyaning Sankt-Peterburg shahri Nevskiy tumanida sumka ichidan o‘zbekistonlik ayolning jasadi topildi. Bu haqda 78.ru xabar berdi.

Ma’lum qilinishicha, jasad Olga Berggols ko‘chasidagi 19-uyning yerto‘lasidagi sumkadan zo‘ravonlik alomatlari bilan topilgan. O‘ldirilgan shaxs 31 yoshli O‘zbekiston fuqarosi ekani aniqlangan. U noyabr oyi boshida Sankt-Peterburgga 24 yoshli tanishinikiga pul topish maqsadida kelgan.

Ta’kidlanishicha, 9 dekabr kuni kechqurun Sedov ko‘chasidagi 70-uyda joylashgan kvartirada yashayotgan yigit janjal paytida ayolni bo‘g‘ib o‘ldirgan. Shundan keyin uning jasadini katta sumkaga solgan. So‘ngra Olga Berggols ko‘chasidagi 19-uyning podvalida tuproq bilan ko‘mib, voqea joyidan qochgan. Ertasi kuni qotillik sodir etishda gumonlangan erkak vataniga qaytib ketgan.