Yangi Zelandiyada qochqin ota otib o‘ldirildi

Yangi Zelandiyada 2021-yilda uch farzandi bilan g‘oyib bo‘lgan Tom Fillips politsiya tomonidan otib o‘ldirildi. U to‘rt yil davomida mamlakat bo‘ylab qidiruvda bo‘lgan.

Politsiya uning mototsiklini to‘xtatmoqchi bo‘lganda, Fillips o‘q otgan. Natijada bir politsiyachi yaralangan, javob zarbasida Fillips halok bo‘lgan.

Oradan ko‘p o‘tmay, uning uch farzandi o‘rmonzor hududidan topildi. Ularning sog‘ligi yaxshi ekani aytildi.

Bosh vazir Kris Laksan voqeani “fojia” deb atadi va bu holat bolalarga og‘ir ta’sir qilishini ta’kidladi.