Tramp Qatarning bosh vaziri bilan uchrashdi

AQSh prezidenti Donald Tramp Nyu-Yorkda Qatarning bosh vaziri Muhammad bin Abdurahmon Al-Soni bilan uchrashdi. Bu uchrashuv Isroilning Dohada Hamas rahbarlariga qarshi uyushtirgan hujumidan keyin o‘tkazildi.

Tramp Isroil bosh vaziri Benyamin Netanyaxuga qo‘ng‘iroq qilib, hujumdan norozi ekanini aytdi va Qatarga bunday holat takrorlanmasligini bildirdi.

Qatarning bosh vaziri, shuningdek, AQSh vitse-prezidenti Jey Di Vens va davlat kotibi Marko Rubio bilan ham uchrashdi. Muzokaralarda mintaqadagi vositachilik va xavfsizlik masalalari muhokama qilindi.

Qatar G‘azoda otashkesim, asirlarni ozod qilish va urushdan keyingi rejalarda muhim vositachi bo‘lib qolmoqda. Al-Soni esa Qatar o‘z rolidan voz kechmasligini ta’kidladi.