Bangkokda shifoxona oldida 50 metrlik yer o‘pirilib tushdi

Tailand poytaxtida yirik halokatli holat ro‘y berdi. Bangkokdagi shifoxona yonida yo‘l o‘pirilib, 50 metrlik chuqur hosil bo‘ldi, deb xabar tarqatdi Bangkok Post.

Ma’lumotlarga ko‘ra, ikki elektr ustuni va politsiyaga tegishli mashina yerga tushib ketgan, omadga ko‘ra, jabrlanuvchilar yo‘q.

Hodisa sababli 3,5 mingga yaqin bemor va mahalliy aholi evakuatsiya qilindi. Mutaxassislar cho‘kishga yaqindagi tunnel va metro stansiyasi qurilishi sabab bo‘lganini aytishmoqda.