Isroil Livan janubida «Hizbulloh»ga zarba berdi

Isroil mudofaa kuchlari (SAXAL) Livanning janubiy hududlarida joylashgan «Hizbulloh» maqsadlariga havodan hujumni amalga oshirdi. Bu haqda The Times of Israel xabar tarqatdi.

Ma’lumotlarga ko‘ra, zarba Bofort qasri yaqinidagi obyektga yo‘naltirilgan. Isroil armiyasi matbuot xizmatining bildirishicha, hujum qilingan joyda terrorchilik faoliyati kuzatilgan va havo zarbalari natijasida jangarilarning yer osti infratuzilmasi hamda qurol-yarog‘ zaxiralariga katta zarar yetkazilgan.