Rossiya GigaChat sunʼiy intellekti uchun Xitoy protsessorlaridan foydalanmoqchi
Rossiya oʻzining GigaChat flagman sunʼiy intellekt modelini rivojlantirish uchun Xitoyda ishlab chiqarilgan protsessorlardan foydalanishni rejalashtirmoqda. Bu haqda Sberbank bosh direktori German Gref Rossiya prezidentining Xitoyga tashrifi davomida maʼlum qildi. Bu haqda Ixbt.com xabar beradi.
"Biz GigaChat uchun Xitoy mikrochiplaridan foydalanishga umid qilamiz", — deya taʼkidladi German Gref "Perviy kanal"ga bergan intervyusida. Biroq bank rahbari aynan qaysi turdagi chiplar xarid qilinishi va joriy etilishi boʻyicha aniq maʼlumotlarni ochiqlamadi.
Reuters agentligining yozishicha, Xitoyning eng ilgʻor hisoblangan Huawei Ascend 950 chipi hamon Amerikaning NVIDIA H200 texnologiyasidan ortda qolmoqda. Shunga qaramay, Gʻarb sanksiyalari sharoitida Rossiya texnologik kompaniyalari uchun Xitoy bozoridagi muqobillar yagona yechim boʻlib qolmoqda.
GigaChat — bu Sber kompaniyasi tomonidan ommabop xorijiy chat-botlarga raqobatchi sifatida ishlab chiqilgan multimodal neyrotarmoqdir. Ushbu servis muloqot qilish, turli formatdagi matnlarni yaratish, matnli tavsif asosida tasvirlar generatsiya qilish va dasturiy kod yozish imkoniyatiga ega.
