Toshkent viloyatida ayrim uylar buziladi

Avvalroq Yangi Toshkent uchun aeroport qurilishi haqida xabar berilgan edi. Aeroport Qiyichirchiq va O‘rtachirchiq tumanlari oralig‘idagi hududda qurilishi rejalashtirilgan.

Ma\'lumotlarga ko‘ra, aeroport qurilishi davomida ayrim fuqarolarning uylari va bino-inshootlari buziladi. Loyihani amalga oshirish uchun O‘rtachirchiq tumanidagi \"Xalqobod\" va \"Yangiyo‘l\" mahallalari hududi ajratilgan.

Tumanning hokimi aholi bilan uchrashuv o‘tkazdi. Uchrashuvda mulk egalariga ularning mulklari buzilishi sababli qaysi tartibda kompensatsiya olishi haqida tushuntirish berildi.