Ukrainadagi urushda o'zbekistonliklar talofati

“Xohlayman yashash” loyihasi Rossiya armiyasidagi xorijlik yollanma jangchilar haqida ma'lumot e'lon qildi. Ukraina loyihasining xabariga ko'ra, Ukrainadagi urushda 481 nafar o'zbekistonlik halok bo'lgan yoki bedarak yo'qolgan.

Umumiy hisobda Rossiya armiyasi safida kamida 2 715 nafar o'zbekistonlik xizmat qilmoqda. O'zbekistonliklar Rossiya armiyasida xizmat qilayotgan xorijliklar orasida yetakchi o'rinni egallaydi.

Eslatib o'tamiz, O'zbekiston qonunchiligiga ko'ra, mamlakat fuqarolariga davlat chegaralaridan tashqaridagi harbiy mojarolarda ishtirok etish taqiqlanadi.