Dubayda havoda muallaq turuvchi birinchi minorani qurishmoqchi (foto)

Nyu-Yorkning Clouds Architecture Office me’morchilik byurosi orbitada muallaq turgan asteroidga quriladigan va hech bir mubolag‘asiz osmondan osilib tushadigan baland bino loyihasi haqida gapirib berdi, deb yozadi «Daryo» nashri. Ya’ni uning birinchi qavati koinotda, tomi esa Erda bo‘ladi.

Bino Analemma Tower deb ataladi, uni arxitektorlar Dubay osmonida qurishni rejalashtirmoqda. Yig‘ib bo‘lingan modellar Erdan olinib, minoraning kabellar orqali asteroidga biriktirilgan poydevoriga mahkamlanadi. «Yangi namunadagi bino havoda muallaq turishi tufayli, uni istalgan joyda yig‘ish va so‘ngra, u uchun mo‘ljallangan joyga keltirish mumkin», — deydi arxitektorlar.


Analemma Tower har kuni janubiy va shimoliy qutb oralig‘idan o‘tadigan va sakkiz raqamini eslatuvchi traektoriya bo‘ylab harakatlanadi. Orbitaning eng pastki va sust nuqtasida bino Manxetten ustidan o‘tadi.



Minora koinotdagi o‘z asosiga o‘rnatilgan quyosh panellari orqali quvvat oladi, suvni esa bulutlar va yomg‘ir suvlaridan to‘playdi.