Avstraliyada Rottnest orolida kvokkalarga restoranga kirish taqiqlandi

Avstraliyaning Rottnest orolida joylashgan restoranlardan birida kvokkalarning kirishi rasman taqiqlandi.

Maʼlum qilinishicha, maʼmuriyat tomonidan sayyohlar uchun bir nechta tilda ogohlantiruvchi yozuvlar oʻrnatilgan boʻlsa-da, bu qoidalarga ham mehmonlar, ham hayvonlar tomonidan toʻliq amal qilinmayapti.

Kvokkalar oʻzining yoqimtoy koʻrinishi tufayli odamlardan ovqat soʻrashga oʻrganib qolgan va tez-tez restoran ichiga kirib bormoqda.

Bu holat nafaqat tartibsizlik keltirib chiqarayotgani, balki hayvonlar salomatligi uchun ham xavf tugʻdirayotgani taʼkidlanmoqda.

Mutaxassislar insonlar isteʼmol qiladigan oziq-ovqatlar kvokkalar uchun zararli ekanini, ularning organizmiga jiddiy salbiy taʼsir koʻrsatishini qayd etmoqda.