Aeroportdagi tekshiruvlardan qochib (Video)

E’tiboringizga havola etilayotgan videolavhada Mayami xalqaro aeroportida yo‘lovchi tekshiruvlardan o‘tmaslik uchun yuk tashish karuseli yordamida uchish maydoniga chiqib olgan “shovvoz”ning xatti-harakatlari tasvirlangan.

Aniqrog‘i, kuzatuv kamerasi o‘ttiz yoshlar chamasidagi yigitning chemodanlar ortidan yuk tashish karuseliga sakrab tushib olganini muhrladi.

“Qochoq”ni uchish maydonida tutib olishga erishildi. “Miami Herald” nashriga intervyu bergan xodimning aytishicha, agar yigit chiqqan vaqtda uchish maydonida samolyot bo‘lganida, u bemalol uchib ham ketar edi.

Holat yuzasidan tergov ishlari olib borilmoqda. Gumondor shaxsning nomi e’lon qilinmadi.