AQShda noma’lum uchar jism ko’zga tashlandi

AQShning Arizona shtati, Finiks aholisi o’z shaharlarida o’zga sayyorliklar kemalari tez-tez ko’zga tashlanishini aytishadi. Bu fikrning navbatdagi isboti ham kuni kecha aynan shu shaharda parvoz qildi, deb xabar beradi xorij saytlari.

Tunda kuzatuv kameralariga olingan kadrlar haqiqatan ham osmonda qandaydir uchar jism parvoz etganini ko’rsatgan. Uzoqdan uning ko’rinishi katta sharni eslatadi, yaqinlashgach esa yorqin nur bilan portlagan va ko’zdan g’oyib bo’lgan.

Ushbu videoni ko’rgan ufologlar mazkur jism parvozidan hayratga tushgan bo’lsalar ham, olimlar bu oddiygina meteorit bo’lishi mumkin degan fikrni ilgari surishmoqda.