Germaniyada yog’ayotgan kuchli qor sabab yuzlab aviareyslar bekor qilindi

Mamlakat bo’ylab kuzatilayotgan kuchli qor bo’ronlari sabab Germaniyaning bir nechta aeroportlarida yuzlab reyslar bekor qilindi.

Jumladan Frankfurt-Mayna yo’nalishida 267 ta reys bekor qilingan bo’lib, qolgan laynerlar biroz kechikkan holda yerga qo’nganlar.

Ob-havo sharoiti Dyusseldorf aeroportidagi reyslarning ham bekor qilinishiga sabab bo’ldi. U yerda qancha reys qoldirilgani aniq aytilmayapti.

Kelna aeroportida esa mamlakatning boshqa shaharlariga tegishli samolyotlarni qabul qilishga to’g’ri kelgani qayd etilmoqda.