Politsiya Lesterdagi portlash oqibatida 4 kishi halok bo‘lganini tasdiqladi

Angliyaning Lester shahrida yuz bergan portlash oqibatida to‘rt kishi halok bo‘ldi, yana to‘rt kishi esa shifoxonada qolmoqda. Bu haqda “RIA Novosti”ga asoslanib, “Daryo” xabar bermoqda.

Qayd etilishicha, Lesterdagi portlash va yong‘in oqibatida uch qavatli uyga zarar yetgan. Uyning birinchi qavatida do‘kon faoliyat yuritgan. Qolgan qavatlarda oddiy aholi yashagan. Politsiyachilar vayronalar ostida odamlar bo‘lishi mumkinligini taxmin qilmoqda. Hodisa joyida qidiruv-qutqaruv operatsiya olib borilmoqda.

Portlash sabablari hozircha noma’lum.