Sankt-Peterburgdagi festivalda tank ikki kishini bosib ketdi (video)

Rossiyaning Sankt-Peterburg shahrida «Jangovar po‘lat» festivali chog‘ida T-60 tanki ikki kishini bosib ketdi, deb xabar berdi Daryo nashri. Videoni RT telekanali e’lon qilgan.

Ular tank zirhida o‘tirgan, ammo jangovar mashina kichik tepalikdan o‘tayotgan vaqtda ular tank g‘ildiraklari ostiga tushib ketgan. Jabrlanganlardan biri to‘piq suyagini sindirib olgan, ikkinchisi jarohat olgan.