Erdo‘g‘on «Rajab bobo» deya uning yo‘liga chiqqan qizaloqlar sabab o‘z kortejini to‘xtatdi (video)

Turkiya prezidenti Rajab Toyyib Erdo‘g‘on uning yo‘liga chiqqan qiz bilan ko‘rishish uchun o‘z kortejini to‘xtatdi. Bu haqda, turk nashrlariga asoslanib, «Daryo» xabar bermoqda.

Voqea guvohlari tomonidan yozib olingan videoda Turkiya prezidenti yo quvonchdan, yo hayotidagi biror qiyinchilikdan yig‘layotgan qizaloqni ovutish maqsadida uni yoniga chaqirib, peshonasidan o‘pib qo‘yganini ko‘rish mumkin.

Shundan so‘ng, kortejga yaqinlashib kelgan yana bir qizaloq davlat rahbarining bo‘sasidan bahramand bo‘lgan.