Eronda “oʻlik" chaqaloq tirilib ketdi

Eronda shifokorlar tomonidan oʻlgani qayd qilingan chaqaloq oʻlikxonada jonlanib ketdi deb yozadi Kun.uz nashri.

Voqea Urmiya shahrida yuz bergan. Shifokorlar 6 oylik chaqaloqni koʻzdan kechirish vaqtida unda tiriklik alomatlarini sezmagach, uning oʻlganini qayd qilishgan.

Bolaning jasadi oʻlikxonaga joʻnatilgan. Biroq u yerda bolaning jasadi yuvilayotganda uning tirikligi maʼlum boʻlgan. Taʼkidlanishicha, bolaning ota-onasi bunday “moʻʼjiza”dan qattiq hayratga tushgan.