Qozog‘istonda Yangi yil archasi yonib ketdi

Qizilo‘rdaga o‘rnatilgan Bosh archa 28 dekabr kuni ertalab elektruzatgichlarning tutashuvi natijasida yonib ketgan, deb xabar bermoqda uz24.uz.

Yong‘in maydoni 6 kvadrat metrni tashkil etgan. Yong‘in haqidagi xabar dastlab Instagram ijtimoiy tarmog‘ida paydo bo‘lgan. Shundan so‘ng o‘t o‘chiruvchilarga qo‘ng‘iroq qilingan va ular voqea joyiga etib kelib, yong‘inni bartaraf etishgan. Jarohat olganlar va qurbonlar yo‘q. Shu kuniyoq yongan archa qaytadan o‘rnatildi.