Rossiyalik biznesmenlar orasida Alisher Usmonovning samolyoti eng qimmati deb topildi

^{Alisher Usmonovning samolyoti. Foto: Forbes}
Forbes jurnali rossiyalik biznesmenlarning 50 ta eng qimmat samolyotlaridan iborat reytingni tuzdi.

Unda Alisher Usmonovning 2008 yilda chiqarilgan Airbus A340 samolyoti birinchi pogʻonada joylashdi. U 150 million dollarga baholanmoqda.

^{Roman Abramovichning Boeingʻi. Foto: Forbes}
Ikkinchi va uchinchi oʻrinlarni Roman Abramovichning Boeing 767 (2003) va Airbus A319 (2014) samolyotlari band etdi. Ular tegishli ravishda 120 million va 85 million dollarga tengdir.

^{Roman Abramovichning Airbusʻi. Foto: Forbes}
Andrey Skoch va uning oilasiga tegishli 71 million dollarlik Airbus A319 samolyoti toʻrtinchi, Andrey Kozitsinning Airbus A320 samolyoti (67 million dollar) — beshinchi oʻrinda joylashdi.