Kiyevning xalqaro nomi oʻzgaradi

^{Foto: “Bbqboy.net”}
Ukraina poytaxti xalqaro tillarda “Kiev” oʻrniga “Kyiv” deb yoziladi. Kecha, 12-iyun kuni AQSH Geografik nomlar boʻyicha kengashi ushbu qarorni qabul qildi.

Ukrainaning AQSHdagi elchixonasi matbuot xizmati xabar berishicha, geografik kengashga ushbu taklifni Vashingtondagi ukrain elchisi Valeriy Chaliy kiritgan.

“Oʻta muhim bu qaror Ukraina poytaxti rasmiy nomining AQSH tashqarisida ham tuzatilishiga turtki boʻladi”, — deyiladi elchixona xabarida.