Ukrainaliklar dunyodagi eng chiroyli millat deya topildi

^{Foto: Depositphotos}
Big 7 Travel sayti tomonidan o‘tkazilgan so‘rovnoma natijalariga ko‘ra, ukrainaliklar dunyodagi eng chiroyli millat deya topildi, deb xabar beradi Forum Daily\'ga tayanib Daryo nashri.

Mila Kunis va Mila Yovovich kabi Gollivud aktrisalarning vatani bo‘lgan Ukraina dunyoning eng chiroyli millatlari reytingida birinchilikni egalladi. Ikkinchi o‘rinni daniyaliklar egallagan bo‘lsa, filippinliklarga uchinchi pog‘ona nasib etdi.

Ro‘yxatning oxiridan — 50-o‘rinni irlandiyalariklar, 45-o‘rinni amerikaliklar egalladi.

So‘rovnoma Big 7 Travel kompaniyasi tomonidan o‘tkazildi. Unda kompaniyaning ijtimoiy tarmoqlardagi 1,5 million obunachisi ichidan tanlab olingan 8,5 ming respondent ishtirok etdi.

Rossiyaliklar esa ro‘yxatning 33-pog‘onasidan o‘rin oldi.