O‘zbek oshpazlari Abu Dabida 8 xil osh tayyorladi (foto)

27 dekabr kuni Birlashgan Arab Amirliklarining Abu Dabi shahrida Shayx Zayd festivali doirasida Bahriddin Chustiy boshchiligidagi bir guruh o‘zbek oshpazlari 8 xil palov tayyorlab, mehmonlarga tortiq qildilar.

Bir yil muqaddam Shayx Zayd festivalida oshpazlarimiz mega palov tayyorlashgan edi. Mega palov loyihasida asosan Toshkent tuy oshi tayyorlanar edi, bu safar esa repertuarga biroz o‘zgartirish kiritilib, O‘zbekistonning turli xil palovlari tayyorlandi:

1. Xorazmcha palov
2. Samarqandcha palov
3. Cho‘ng‘ara palov
4. Choyxona palov
5. 80-yillarda K. Mahmudov kitobida zikr etilgan Shodibek palovi
6. Andijoncha palov
7. To‘y oshi
8. Vegetarian palov